Actualités

Ankatso : Doro olona velona Ahiana hivadika adim-poko

Actualités
Talata 14 Desambra 2010

Mafanafana indray eny Ankatso hatramin’ny faramparan’ny herinandro teo. Raha araka ny fantatra mantsy dia mifamorivory ireo mpianatra izay mitovy fiaviana. Tonga hatreny amin’ny mpitandro ny filaminana aza ny vaovao omaly. Anisan’izany ny hoe tsy faly ry zareo avy any Avaratra taorian’ny fandorana velona ny iray tamin’izy ireo. Ireo mpianatra avy any Diégo sy Ambanja no nifandray tendro ary mivory matetitetika, raha araka ny vaovao azo. Efa fantatr’izy ireo ny fiavian’ireo tena nandray anjara tamin’ny fandorana ilay olona. Nofantariny hatramin’ny «bloc» izay misy azy ireo ary ankehitriny dia ahiana ny mety hanafihan’ireo mpianatra io toerana io. Efa arahin’ny mpitandro ny filaminana maso anefa ny toe-draharaha ka inoana fa tsy ho tonga amin’izany loatra. Lasa fanao eny Ankatso ny fandorana olona velona, raha vao misy ny fanahiana fa mpangalatra io. Fanao ratsy izay lasa manome endrika ratsy ihany koa ny oniversite izay natao hanovozana fahalalana sy famolavolana olom-banona. Kanefa dia fanao efa tamin’ny andro fahagola no miverina…

r.d