Actualités

Andry Rajoelina Manao pi-maso amin'ny Tafika

Actualités
Alakamisy 17 Febroary 2011

Anio dia ho tonga eny amin'ny RTS Fiadanana indray ny filohan'ny FAT hanome zavatra ny Tafika. Tsy tao anaty fandaharam-potoanan'ity filohan'ny FAT ity mihitsy io saingy noho ny ahiahy amin'ny fiavian'ny filoha Ravalomanana no nahatonga izany. Raha ny zava-nisy avy eo anivon'ny Tafika mantsy dia ireo be galona no mitompo ny FAT fa ny ankamaroan’ireo avy amin'ny miaramila madinika mivondrona ao amin'ny Cosofam dia efa ela no tsy matoky izao fitondrana izao intsony. Anisan'ireo voa mafy mantsy ny miaramila madinika rehetra amin'ny fiakaran'ny vidim-piainana amin'izao fotoana izao. Araka ny fantatra dia hanome akanjo sy fitaovana ny Tafika indray ny tenany.

Rakoto Maxime