Actualités

Andro iraisam-pirenena ho an�ny PARAMED Hetsika ara-tsosialy no hanamarihana azy ao Ambositra

Actualités
Zoma 09 Mey 2014

Hanamarika ny andro iraisam-pirenena ho an�ny PARAMED ireo mpitsabo mpanampy ao Ambositra anio zoma 09 mey 2014.

Toy ny isan-taona dia andro iraisam-pirenena ho an’ny “sage-femme” ny 5 mey, raha andro iraisam-pirenena ho an’ny “Infirmier” ny 12 mey. Natambatra ho andro iray ny fanamarihana ao Ambositra tamin’ity taona ity, ka hetsika ara-tsosialy toy ny famoran-jaza faobe sy CPN na “consultation Pré-natale” ary fitiliana ny ra ho fisorohana ny VIH/Sida samy maimaimpoana avokoa no hanamarihan’ireto PARAMED ireto ity andro ity. Tsy fotoana fitakian-jo toy ny nahafantarana ny PARAMED no hataon’ireo ao Ambositra. Ny hetsika rehetra dia tontosaina ao amin’ny CSBII Volafotsy Ambositra avokoa. Alim-pandihizana no hamaranana ny fankalazana anio zoma ao Antamponivinany ka ny ampaham-bola azo dia harotsak’ireo PARAMED ho an’ny fikarakarana ireo marary miditra hopitaly. Mahatratra 70 mianadahy amin’izao fotoana izao ireo PARAMED ao Ambositra izay efa mivondrona ao anatin’ny fikambanana.