Actualités

Andro iraisam-pirenena ho an'ny marary Fitsaboana maimaimpoana eny Analamahitsy

Actualités
Alakamisy 12 Febroary 2015

Fitsaboana maimaimpoana nanomboka omaly haharitra telo andro no entin'ny Centre Medical Marie Stella etsy Analamahitsy hanamarihana ny andro iraisam-pirenena ho an'ny marary. Ivontoeram-pitsaboana

mitsabo ny aretina rehetra amin'ny alalan'ny spiruline izy io izay teny amin'ny dispensaire Ekar Antanimena no nisy azy teo aloha. Ankoatra ny fizaham-pahasalamana raha ny fanazavan'ny lehiben'ny dokotera ao an-toerana Feziny Séraphine, dia misy ihany koa ny fanomezana spiruline maimaimpoana ireo marary, asa soa efa niantsorohan'izy ireo hatramin'izay, tsy hanavahana na olon-dehibe na zaza. Nifanindran-dalana tamin'ny hetsika omaly ny fanokanana tamim-pomba ôfisialy ny ivon-toerana. Nampiavaka azy tamin'ny teo aloha ny fisian'ny efitrano maromaro handraisana ny marary, raha toraka izany koa ny toerana hahafahan'ireto farany miandry. Na izany aza anefa mbola tsy manana efitrano fandidiana kosa izy ireo saingy nambaran'ny dokotera Feziny Séraphine hatrany fa azon'izy ireo hatao tsara ny miara-miasa amin'ireo dokotera manana traikefa amin'izany.

Pati