Actualités

Ambodimita Namono olona indray ny taxi-be

Actualités
Alarobia 26 Janoary 2011

Vao tamin’ny herinandro teo no nisy lozam-piarakodia nahafatesana olona roa teny amin’ny lalana Digue, omaly dia niverina indray izany. Fiara mpitatitra mampitohy an’Alakamsiy Ambohidratrimo no nivarina tany an-tanimbary. Omaly maraina tokony ho tamin’ny 10 ora sy sasany no nitranga ity loza ity. Avy any Alakamisy ilay fiara ary nikasa ny hanala olona teo amin’ny “arrêt” Ambodimita.

Araka ny fantatra dia nanana olana ilay fiara satria tsy nety nivily intsony, ka tamin’izay fotoana izay no nanitsy nankany an-tanimbary. Am-polony ireo fantatra fa naratra mafy. Valo kosa anefa no fantatra fa tonga teny amin’ny Hjra. Ny iray tamin’ireo dia maty izay ramatoa be manodidina ny 70 taona. Ny iray kosa polisy nanao fanamiana. Tapaka ny tongotr’ity mpitandro ny filaminana ity. Ireo ambiny dia naratra madinika ary afaka nody ny ankamaroany.

Rakoto Maxime