Actualités

Alarobian�Amboniloha Voasitrika ny razana vao nitsahatra ny orana

Actualités
Talata 24 Febroary 2015

Nahavariana ny mpandevina teny Alarobian�Amboniloha omaly ity trangan-javatra niseho ity. Maro tamin�ireo olona tonga handevina teny an-toerana no nanamarika fa raha vao tonga avy any am-piangonana hanomezam-boninahitra an�Andriamanitra ny razana haterina ao amin�ity fasana iray ity,

rehefa andro fahavaratra indrindra, ka hapetraka eo an-tokotanim-pasana dia tsy maintsy mirotsaka foana ny orana ary tsy mitsahatra raha tsy voasitrika am-pasana io razana io. Asa na fifanandrifian-javatra fa dia izay tokoa no niseho nandritra ny fandevenana natrehana omaly. Vao napetrak’ireo mpilanja teo an-tokotanim-pasana ny trano vorona nisy ilay razana dia nivatravatra ny orana ary tsy nijanona raha tsy afaka 4 minitra latsaka kely tany ho any ka nampidirana ilay razana tao am-pasana. Voatery nasiana labasy efa nomanin’ny tompo-manjo mihitsy moa ambonin’ny fidirana tao amin’ilay fasana mba tsy hahadibo-drano ny tao anatiny.

Ntsoavina Evariste