Actualités

Ady amin�ny asan-jiolahy sy fampihorohoroana Nanamafy ny fisafoana amin�ny alina ny Emmo-Reg

Actualités
Alakamisy 22 Aprily 2010

Iaraha-mahita ny herisetra mitranga eto an-tan�na ankehitriny.

Ankoatra ny sinto-mahery sy ny fanafihana mitam-piadiana, dia misy ihany koa ny fanapoahana baomba sy ny sisa. Manoloana izany rehetra izany, dia nandray andraikitra ny mpitandro filaminana ao anatin’ny Emmo-Reg tarihin’ny komandin’ny vondron-tobim-paritry ny Zandarimaria ato amin’ny faritr’Analamanga ny Lietnà kolonely Rakotondrazaka Andry taorian’ny fivoriana izay notontosain’izy ireo omaly. Tapaka ary tamin’izany fa hohamafisina ny fisafoana na antoandro na alina. Iangaviana ny olona izay mivoaka alina, araka izany, mba tsy hanadino ny kara-panondro, satria ny tsy fitondrana na tsy fananana azy io dia mety hatoriana indray alina any amin’ny «violon».

Nozaraina ho faritra valo ny fiaingana amin’ny vonjitaitra, dia ireo boriborintany valo efa mahazatra misy ny Kaomisarian’ny polisy eto Antananarivo toa an’Analakely, Ambohijatovo, Antaninandro, Analamahitsy, Mahamasina, Isotry, 67 ha ary Ambohimanarina. Ahitana olona avy amin’ny vondrona telo avokoa ireo toerana ireo, dia ny polisy sy ny zandary ary ny miaramila miaraka. Ankoatra ireo foibe valo ireo moa, dia misy ihany koa toerana ametrahana mpitandro filaminana.

Miantso ny vahoaka ary ny mpitandro filaminana mba hiantso avy hatrany azy ireo raha misy zavatra mampiahiahy.

Rabe

Zandarimaria : 02022 22303 – 0334137299 - 0340570068

Commissariat Central de Police : 0202228170 - 02022 22735 - 017

RM1 Analakely : 0320533372 - 0320533383

Pompier : 118