Actualités

Ady amin�ny andiam_balala 15 tapitrisa dolara no mbola tadiavina

Actualités
Alakamisy 24 Aprily 2014

Ao anatin�ny efa-taona no hanaovana ny famonoam-balala izay nanomboka tamin�iny 2013 iny ka hatramin�ny 2016.

Ny FAO na sampandraharahan’ny Firenena Mikambana misahana ny sakafo sy ny fambolena no misahana mivantana izany na ara-teknika na ara-bola ka lelavola 43,3 tapitrisa dolara no ilaina. Mbola tsy feno anefa io ka nitondra ny anjara birikiny ry zareo Japoney izay nanome 206 tapitrisa Yen na 2 tapitrisa dolara. Tafakatra 28, tapitrisa izany izao ny entimanana izany hoe 15 tapitrisa eo ho eo no mbola tadiavina ao anatin’ny telo taona. Hampiasaina amin’ny fanaovana fanaraha-maso ny asa atao ka anisan’izany ny fiarovana ny fahasalaman’ny olombelona sy fiarovana ny tontolo ainana ary ny fandrindrana ny asa rehetra io fanampiana tsy averina io. Ezahana araka izany ny fifehezana ny fielezan’ny andiam-balala hisorohana ny krizy ara-tsakafo.