Actualités

11 Desambra Niampy andro iray indray ny andro tsy fiasana

Actualités
Alatsinainy 13 Desambra 2010

Araka ny didim-panjakana laharana 2010/910, dia andro tsy fiasana manomboka izao nefa andraisan-karama ny andron�ny 11 desambra.

Ity andro ity mantsy no andro nahaterahan’ny Repoblika faha IV. Ankoatra ireo andro tsy fiasana izay efa mahazatra hatramin’izay ary, manomboka izao, dia miampy andro iray indray ireo andro tsy fiasana mandritra ny taona eto Madagasikara. Raha tsiahivina ny tantara, nanomboka tany amin’ny Repoblika voalohany, dia efa maro ireo andro nentina nanamarika ireo repoblika nifandimby. Samy namoana izany anefa ireo Filoha nitantana ny Repoblika, hany ka lasa voakosoka ny nahaterahan’ireo Repoblika nifandimby ireo, ary tsy maro, ankoatr’ireo nandia fianarana angamba no mahatadidy izany daty nifandimby nentina nanamarihana ireo repoblika ireo. Ny Filoha nitantana voalohany ny Repoblika faha-III ihany no tsy mba nisafidy daty hoentina nanamarihana ny fidirana tamin’izany Repoblika izany. Raha ampahatsiahivina ary ireo daty ireo, dia ny 14 oktobra no nanamarihana ny Repoblika voalohany, ny 30 desambra no daty nanamarika ny Repoblika faharoa, ary ny 11 desambra izao no manamarika ity Repoblika fahefatra ity.

Rabe