Politique

Zaza Ramandimbiarison « Mahay mihaino ve ny fitondrana ? »

Politique
Talata 17 Mey 2022

Tontosa iny ny fitsirihina nataon’ny vondrona eoropeanina mikasika ny fanaraha-maso ny fifidianana, hoy ny mpanao politika, Zaza Ramandimbiarison.

Fanambina fankatoavana no andrasana mikasika ny dingana arahana momba azy io, hoy izy, raha fehezina. Mbola taratra tao ihany ireo nampisy olana tamin’ny lasa sy mivaona amin’ny fenitra iraisampirenena. Fanamby fototra ho an’ny CENI mikasika ny fifidianana 2023, noho izany, ny fisorohana ny fitanilana eo amin’ny fahafahan’ireo mpandray anjara. Voaporofon’ny fahavitsian’ny mpandatsa-bato farany teo ny tsy fahatokisan’ireo mpifidy ny CENI eo amin’ny fikarakarana fifidianana. Tsikaritra ho navela hanana tombony nihoatra ny hafa ny kandida eo amin’ny fitondrana ankehitriny. Ilaina mialoha izao fifidianana hoavy izao noho izany ny fikaonan-doha anaty fitoniana. Vitsy ireo natao, hoy ny iraky ny vondrona eoropeanina, Christian Preda, izay mpikamban’ny parlemanta eoropeanina teo aloha, raha nanao ny fitsirihany teto. Mba mahay mihaino ve anefa ny fitondrana? Ho hitan’ny vahoaka Malagasy amin’ity herinandro ity ny mety ho valin’izany, hoy hatrany ny tenany.
J. Mirija