Politique

Vondrona politika FLN “Tsy hiteraka korontana ny fitorianay”

Politique
Alakamisy 19 Novambra 2020

Vondrona politika niara-nametraka fitoriana sy fitarainana momba ny fanaovana

hosoka sy fampiasana hosoka tao anatin’ireo fifidianana nanomboka ny taona 2012 teny amin’ny sampan-draharaha misahana ny kolikoly farany teo ny FNL na “Front national de libération”. Mety ho maromaro no voasaringotr’izany, raha ny fanazavan’ny mpandrindra nasionaly, Iada, satria mety hanomboka hatrany amin’ny filoham-pokontany ka hatramin’izay nandray anjara rehetra tamin’ny fanoratana sy fampiasana lisi-pifidianana sy ny fikirakirana hafa rehetra. Fampanjakana ny tany tan-dalàna no tanjona ary izay no anton’ilay fitoriana mifantoka amin’ny resaka hosoka sy fanaovana hosoka fa tsy resaka politika. Tsy hiteraka korontana izany satria nanaja ny andrim-panjakana izahay nametraka ny fitoriana, hoy hatrany ny FLN.

J. Mirija