Politique

Partagé sur :
• facebook

Nambaran’ny Filoha Rajoelina omaly, fa ho avy rahampitso 05 novambra ny satroboninahitra nalain’ny Frantsay 123 taona lasa izay. Toa nandeha indray ny fandokafan-tena, fa tsy nanao ny fitakiana fa izy irery ihany, ary tafaverina.

Zava-dehibe izany ny fahatafaverenan’io vakoka io, fa raha ny resaka fitakian-javatra amin’ny Frantsay, dia ny Nosy Malagasy na ny “îles Eparses” no nampanantenaina, fa tsy “couronne” 123 taona. Tsy manaivana an’izany, ireo Nosy ireo no lehibe indrindra sy nanaovana fanamby, ary raha hiresaka fiandrianam-pirenena dia ireo no manan-danja kokoa. Nakana doka politika tamin’ny propagandy rahateo, ary nanomezana fe-potoana mialohan’ny 26 jona 2020 aza,… Any amin’ny tsy mivonto izany no manaintaina, fa hatramin’izay I Andry Rajoelina tsy nisoka-bava firy intsony momba ireo Nosy ireo taorian’ny vava be nanaka-danitra ny 11 mey 2020 fa famerenana no takiana fa tsy fiaraha-mitantana. Ny Frantsay anefa nahavita dingana maro, toy ny fanaovana ho tahiry voajanahary ny Nosy Glorieuses, ny fanambarana nataon’ny loholona fa tsy homena antsika ny nosintsika. Aiza ilay hambompom-pirenena sy tena fitiavan-tanindrazana sa an-tendromolotra ihany? Raha ara-diplaomatika indray, dia tena tsy mahavita ny asany ve izany ny Minisiteran’ny raharaham-bahiny tamin’ny fahazoana ilay satroka na koa ny fifampiraharahana fa ny Minisiteran’ny kolontsaina no tena nanao ny ainy tsy ho zavatra ?

 Toky R

Tia Tanindrazana

Samia mijoro ho an'i Gasikara.