Politique

Valim-pifidianana solombavambahoaka Biraom-pifidianana vitsy nofoanana ny vokatra

Politique
Alarobia 03 Jolay 2019

Nisy ny fijeren’ny HCC ny fitoriana miisa 684 ny 29 mey ka hatramin’ny 18 jona 2019 raha ny nambara, saingy vitsivitsy ihany no tena nandraisana fanapahan-kevitra rehefa tena dinihina. Tsy nampiova firy ny vokatra.

Nofoanana ny voka-pifidianana tamina toerana maromaro, izay tsy ny vokatra manontolo fa tamina biraom-pifidianana tena nahitana olana tamin’ny ankapobeny. Isan’izany ny tao Analalava izay nanaovan’ny sampana mpanisa vato fitanana an-tsoratra fa nisy tsy fahatomombanana mikasika ny birao fandatsaham-bato iray tao Ambatomainty kaominina Bejofo, taorian’ny nahitana fa nisy ny fampiasana sarin-tsoratra bileta tokana miisa 48, tsy voasonian’ny mpikambana ao amin’ny biraom-pifidianana, nomena ny kandida laharana faha-2. Nofoanana ny vato miisa 48 azon’ny kandida laharana faha-2 tamin’ny tsy ara-dalàna. Vato 100 an’io kandida io ihany koa ny foana tao Andrevorevo any Analalava ihany. Toe-javatra hafa ihany koa ny fisiana fitanana an-tsoratra tsy tomombana miisa dimy nalefan’ny Sampana mpanisa vato, koa tsy misy vokatra manan-kery tamin’ireto birao fandatsaham-bato iray avy tamin’ireto toerana ireto : Ambohipato Ambilobe; EPP Ambatomily Ambilobe ; Ambohidaza Ifanadiana, Andrafiabe Maintirano ; Tsararano Mampikony, EPP Tsimikaboke Ambovombe Androy,…

Toky R