Politique

Tokony havela malalaka hanao ny asany ny filohan�ny Repoblika Hery Rajaonarimampianina amin�ny fanendrena izay olona heveriny fa afaka hiara-miasa aminy.

Politique
Sabotsy 01 Martsa 2014

Famonoana ny Malagasy ny fanohizana ny ady seza sy adilahy politika. Tsy ilaina ny famingampinganana ny filoha lanim-bahoaka. Manentana ireo tsara sitrapo hanampy ny filohan’ny repoblika tsy ho kivy amin’ny fanatanterahana ny fandaharan’asany ho amin’ny fanarenam-pirenena. Havela malalaka ihany koa hiaraka hiasa amin’ireo izay vonona hanolo-tanana azy. Nofintininy tamin’ny teny hoe Fahavalom-pirenena ireo mitady hampihemotra ny fanovana ho amin’ny tsarasara kokoa ny fanarenam-pirenena. Anisan’ny nambaran-dRtoa Raoeniharisoa Nirina, filohan’ny fikambanana LAFA ireo raha nitafa ka nanome ny heviny mahakasika ny raharaham-pirenena ankehitriny ny tenany. Ho an’i Tôlagnaro manokana dia io resaka politika io no mibahan-toerana amin’izao fotoana. Ny mpanao politika no mamono ny Malagasy 20 tapitrisa, hoy hatrany ity filohan’ny fikambanana LAFA ity, hany ka hadino ny resaka fampandrosoana sy ny asa sosialy indrindra ny fandriampahalemana.

Natiora OTH