Politique

Partagé sur :
• facebook

Nilatsaka ny valin-kafatra avy amin’ny TIM Eoropa taorian’ny fanehoan-kevitra nentin’ny Dr Ratefinanahary Emile na i Vazaha, tanora gasy mila ravinahitra any Frantsa any, mikasika ny raharaha tokantranon’ny Tiako I Madagasikara, ny amin’ny movansy ary koa ny raharaham-pirenena ankapobeny.

Manazava ary manamafy àry ity sampana faha-23-n’ny TIM ity, tamin’ny fambarana an-gazety nataony omaly, fa Rtoa Patricia Lehman no mitarika sy ny misolotena ara-dalàna ny sampana io, izay tsy mivadika ary manohana tsy misy fepetra an’i Marc Ravalomanana, Filoha mpanorina ny antoko, amin’ny lalana sy hevitra ary andraikitra rehetra heveriny hikaroham-bahaolana hamoahana an’i Madagasikara amin’izao krizy lalina lalovany izao. Manamafy koa ny TIM Eoropa fa i Yvan Randriasandratriniony no filoha nasionalin’ny antoko ary Mamy Rakotoarivelo no Sekretera jeneraly.

Koa manameloka ary mampitandrina izay mety ho fisandoham-pahefana ataona antokon’olona nisintaka tao amin’ny antoko ary tsy mikatsaka afa tsy ny tombontsoany manokana ity sampana ity. Etsy andanin’izay dia Miantso ny fianakaviambe iraisam-pirenena ihany koa ny TIM Eoropa amin’izao fanohizana indray ny dinika eo ambany fitarihan’ny SADC izao mba handray ho zava-dehibe ny ampamoaka nataon’ny lietnà-kolonely Charles Andrianasoavina ka nilazan’ity farany ny fandraisany anjara mivantana tamin’ny fanonganam-panjakana nitranga ny taona 2009 ka nahatonga ny filoha Marc Ravalomanana niala an-tanindrazana. 

Tia Tanindrazana

Samia mijoro ho an'i Gasikara.