Politique

Tandindonin-doza ny fanehoan-kevitra Ankihibe naondrika dia efa mampigadra

Politique
Alatsinainy 25 Jolay 2022

Nifanena tamin'ny tanjozotram-piara na “cortège présidentiel” teny By pass ny tovolahy iray ny alakamisy teo. Nampiondrika ankihiben-tanana na nanao “pouce inversé”

ny tenany rehefa nandalo ny filoham-pirenena, Andry Rajoelina, raha ny fampitam-baovao voaray ary avy dia nosamborin'ny mpiambina ny filoha na “garde présidentielle”. Nentina teny Iavoloha ary notanana vonjimaika nandritry ny 48 ora na « garde à vue ». Nentina indray natao famotorana teny amin'ny borigadin’ny zandarimaria Andoharanofotsy avy eo. Nivoaka ny 22 jolay ny didy ary avy dia notanana am-ponja na MD ity farany. Ny 28 jolay izao kosa no andeha ny fitsarana, hoy hatrany ny fampitam-baovao.
J. Mirija