Politique

Solontenan’ny OSC ao amin’ny CENI Ando Andriamalazaray sy Michael Ravalitera

Politique
Alakamisy 28 Oktobra 2021

Tontosa omaly 27 oktobra 2021 tamin’ny 3ora tolakandro ny fifidianana ireo solontena 2 avy amin’ny Firaisamonim-pirenena na ny OSC

(Organisation de la Société Civile) handrafitra ny Vaomieram-pirenena misahana ny fifidianana CENI. Ho an’ny toerana voalohany, dia Atoa Andriamalazaray Andoniaina avy amin’ny Komity Fanaraha-maso ny Fiainam-pirenena na KMF/CNOE no lany, ary nahazo ny toerana faharoa kosa Atoa Ravalitera Michael avy amin’ny ASD (Action Sociale pour Developper). Firaisamonim-pirenena miisa 15 moa no voalaza fa nahafeno ny fepetra ara-dalàna, ka nanao ny fifidianana ireo solontenan’ny Firaisamonim-pirenena ireo. Etsy andaniny, misy ihany koa ireo andiana firaisam-pirenena mitsikera mafy ity fifidianana nandeha ity ka asa izay ho tohiny taorian’ny fanambarana ofisialy, fa izy mirahalahy ireto no voafidy ho solontena eo anivon’ny CENI.
Toky R