Politique

Romule A. Mpikamban’ny MMM “Sioka tokana io dia rava ny tsena”

Politique
Alakamisy 10 Martsa 2022

Somary niakatra ny filoha Hajo Andrianainarivelo satria somary hafahafa fihetsika ny antoko politika TGV, hoy ny mpikambana eo anivon’ny antoko politika Malagasy miara-miainga na MMM, Romule Andriamanantenasoa.

Ao anaty fiaraha-mitantana ny firenena. Mitady hanilika ny antoko matanjaka dia ny MMM ry zareo nefa samy nanohana izao fitondrana izao, hoy izy. Mampitandrina ny filoha Hajo hoe aoka mba ovaina ny fomba fanao tsy nety hatramin’izay satria manimba ny fiaraha-miasa. Efa sahirana ny vahoaka. Mbola asiana zavatra miteraka lonilony anaty fitondrana dia lasa miteraka zavatra hafa avy eo. Ny mpanohitra koa efa miandry fotsiny. Sioka tokana io dia rava ny tsena. Mila mitandrina ny fitondrana satria misy mamahan-dalitra ny filoham-pirenena ao ary samy manao izay saim-pantany ny aty ambany. Ny ekipanao ihany no manilika ny tokony hanohana anao. Mety ho sarotsarotra ny fifidianana amin’ny 2023 raha miala amin’io fitondrana io ny MMM. Na ireo mpikambana TGV koa aza efa mampaneno lakolosy hoe mba jereo izay mahasoa ny firenena, hoy hatrany ny tenany, fa tsy ny MMM ihany.
J. Mirija