Politique

Rodoben’ny mpanohitra Nanao jery todika ny 2020

Politique
Talata 12 Janoary 2021

Nifampiarahaba noho ny fahatrarana ny taona vaovao 2021 tetsy amin'ny

Restaurant Tsiky Ambohijatovo omaly ireo mpikamban’ny birao nasionaly sy mpanolontsaina eo anivon’ny Rodoben’ny mpanohitra ho an’ny demokrasia eto Madagasikara. Nanao jery todika mikasika ny RMDM tanatin'izay herin-taona nijoroana izay. Niaiky izahay, hoy ny mpanolontsaina, Mihari-Ni-Rencho fa mila havaozina ny lamina anaty ary atao mahitsy ny tanjona araka izay nifanarahana tany am-boalohany. Mila miray saina sy mifanaraka tsara ny mpikambana . Nilaina koa ny fifanomezan-tànana sy fifanajàna ary fanomezana hasina ny tsirairay tsy misy havahana ka hanjaka ny fifampiainoana mba ahatongavana amin’ny tanjona amin’ny maha mpanohitra ofisialy ara-panjakana ny RMDM izay voalazan'ny lalàm-panorenana, hoy hatrany ity solontena ity.

J. Mirija