Politique

Rodoben’ny mpanohitra “Namafy izahay fa ny vahoaka mety hijinja”

Politique
Talata 13 Oktobra 2020

Naka ny toerana maha mpanohitra azy no anton-dian’ny rodoben’ny mpanohitra ho an’ny demokrasia eto Madagasikara tany amina faritra maro tamin’ny herinandro, hoy ny tatitra fohy nataon’ny talen’ny seraseran’ity vovonana politika ity, Gaby Vakiniadiana, omaly.

Nihaino ny feon’ny vahoaka izy ary nijery ny fahoriany. Nampanantena ny RMDM, hoy izy, fa tsy hanaiky ary hilaza ny tsy mety rehetra eto amin’ny firenena. Tonga tany Toamasina izahay nilaza fa ny hanarina ny toekarena izao no tokony imasoana kanefa tany orinasana Malagasy indray no nopotehina. Vahoaka Malagasy no miasa sy mandray vola ao. Namory vahoaka tao amin’ny Magro Toamasina moa izahay ary izahay no namafy fa ny vahoaka no mety hijinja ka hiaraha-mahita eo ny vokany. Manantena izahay, hoy hatrany izy, fa voarain’ny vahoaka ny tianay nambara.

J. Mirija