Politique

Rodoben’ny mpanohitra “Harenanay ny tsy fitovian-kevitra”

Politique
Alatsinainy 09 Aogositra 2021

Nanatontosa fanadiovana faobe tetsy amin’ny kianjan’ny finoana etsy Behoririka ny sabotsy teo ny avy eo anivon’ny Rodoben’ny mpanohitra ho an’ny demokrasia eto Madagasikara na RMDM

mba handraisana ny fankalazana ny faha 2 taonan’ity vovonana ity rahampitso 10 aogositra. Manentana ny mponin’Antananarivo sy ny manodidina, hoy ny filoha lefitr’ity vovonana politika ity, Tsarahame Edouard, mba hifanotrona sy hifanome tanana amin’io fety io satria izany no atao dia hanomezana fahafaham-po ho an’ny tsirairay avy tsy hanavahana volon-koditra, politika, fihaviana, firazanana fa Madagasikara dia antsika rehetra. Amin’ny maha mpanao politika ny RMDM sy ny maha fotoana manan-tantara eto amin’ny firenena io fotoana io ihany koa dia misy hetsika politika hataonay eto, hoy izy, amin’io fotoana io. Io no hilazanay ny fehinkevitra nataonay teny amin’ny By pass ny 23 sy 24 jolay teo sy izaranay izany amin’ireo nitady ka tsy mbola nahazo ilay fehinkevitra. Tsy mizara ny RMDM fa harenanay ny tsy fitovian-kevitra, hoy hatrany izy ireo.
J. Mirija