Politique

Rivo Rakotovao « Mila fanadihadiana ny raharaha Farafangana »

Politique
Zoma 28 Aogositra 2020

23, raha ny tambatr’isa farany hatreto no gadra nitsoaka ka maty voatifitra tao Farafangana nanomboka ny fivakisan’ny fonja ny 23 aogositra teo ka hatramin’ny omaly 27 aogositra.

45 no voasambotra ary 19 no mbola miriaria any ivelany any. Nahetsika avokoa ireo ratsa-mangaikan’ny fonja ao an-toerana hanampy ny mpitandro filaminana amin’ny fisamborana, raha ny fampitam-baovao avy any an-toerana. Niantso fanadihadiana eo anivon’ireo antenimiera roa tonta moa ny filohan’ny antenimieran-doholona, Rivo Rakotovao, mikasika ity raharaha Farafangana ity. Ilaina ny fahazavana momba ny zava-niseho marina, hoy izy.

J. Mirija