Politique

Rivo Rakotovao « Aleo isika vahoaka hanaiky ny fepetra rehetra”

Politique
Sabotsy 28 Martsa 2020

Nitondra hafatra ho an` ny vahoaka Malagasy ny filohan` ny Antenimierandoholona, Rivo Rakotovao, manoloana ny fiatrehana ny areti- mandoza entin’ny Covid-19.

Tsy aretina noforonina ny “coronavirus” fa mila fepetra io no sady mila fifehezan-tena satria isika no miara-mandresy an`io aretina io, hoy izy. Hentitra ny fanjakana mba ahafahana miaro ny rehetra. Ny fampiharana ireo fepetra kosa dia tokony samy ao anatin` ny fifanajàna sy fanekena izay fahefam-panjakana satria tsy mety ihany koa ilay olona mitarika fanakorontanana, hoy ihany izy. Nohamafisiny fa tsy vitan` ny fanjakana irery no miady amin`ny “coronavirus”. Ireo fanjakana matanjaka lavitra noho isika aza tsy mahavita miady irery amin` izany indrindra fa isika. Noho izany, Aleo isika vahoaka malagasy mba hanaiky ny fepetra rehetra, hoy Rivo Rakotovao. Nanantitrantitra izy fa “izaho sy ianao samy manana anjara amin` ny andraikitry ny fiaraha monina handresenana an`io. Manome torohevitra ny fitondram-panajakana ary mampiasa ireo fitaovana rehetra izay eritreretiny mba ho fiarovana ho an` ny besinimaro.”

Marigny A.