Politique

R�v. Andrianalijohn Fahafaham-baraka ny an�ny CENI

Politique
Alakamisy 25 Novambra 2010

Tonga amin�ny ilana azy izao ny raharaham-pirenena, hoy ny r�v Andrianalijohn Ndriamanampy.

Voaporofo izao fa tsy ara-dalàna ny referandaoma natao teto, hoy ihany izy. Fahafaham-baraka ny an’ny CENI raha hiziriziry amin’ny heviny, hoy ihany izy. Fanontaniana moa no napetrany : “Nahoana no nihena ny isam-bahoaka ? Midika ve izany fa betsaka ireo maty fa tsy nisy kosa ireo niteraka ? Nankaiza avokoa ireo ampy taona ?”. Ho an’ity mpanao politika ity dia tsy maintsy averina iny fitsapan-kevi-bahoaka iny rehefa miverina ny ara-dalàna. Momba ireo mpanara-maso vahiny voalaza fa tonga teto moa dia nambarany fa mpizahatany ihany ireny ka tsy maintsy miteny satria efa nomena azy izay notadiaviny, hoy ihany ny rév.

Ankoatra izay dia nambarany fa na hampitomboina avo zato heny aza ireo fonja eto amintsika ary hampanaraham-penitra ny fonja dia tsy ho antonona ny Malagasy mihitsy satria marobe ireo tsy mitovy hevitra amin’ny FAT. Ny zava-misy koa, hoy izy dia vonoina ireo tsy mitovy hevitra ireo. Izany ve no antony hilazan’ny FAT fa hampanara-penitra ny hopitaly ? Manoloana ny zava-nitranga teny amin’ny BANI moa dia heverin’ny Rev Andrianalijohn fa tokony hanome fanazavana ingahy Vital ny amin’ireo olona nanafika teny Ivato. Natao aiza ihany koa ireo olona naratra ?

Nangonin’i Soa