Politique

Partagé sur :
• facebook

Niova kely, tsy toy ny mahazatra ny lahateny nataon’i Constant Raveloson omaly tao amin’ny kianjan’ny Magro Behoririka.

Nataony toy ny angano sy tantara an-tsehatra ny zava-nisy sy zava-misy eto amin’ny firenena. Rehefa hitan’ireo mpitondra fa mampalahelo ny foloalindahy Malagasy, hoy izy, dia nanaovana fanovana goavana. Nakarina grady, ohatra, ireo rehetra nanampy tamin’ny fanonganam-panjakana, eny fa na efa nisotro ronono aza. Ireo tena nanompo ny fanjakana kosa, hoy Raveloson Constant dia nampijaliana ary miaramila tsotra no lasa mibaiko. Nambaran’i Constant Raveloson fa anisan’ny zavatra nantenaina omaly (12 janoary), ny resaka madio teo amin’i Andry Rajoelina sy ireo tena manambonihaitra.

Fanontaniana moa no napetrany raha vozon’iza tokoa no arovan’ny tafika sa fitondran’olo-tokana ?Manamboninahitra ve dia tambazana kiraro sy akanjo nefa tsy miaramila tsotra akory ? Ireo manao ny marina anefa mangasihasy”, hoy ihany izy nanoloana ny zavatra niseho teny amin’ny BANI. Avy amina firehana samihafa ireo manamboninahitra toa an-dry Coutiti (Ratsiraka), sy Charles (Rajoelina), ary Raoelina (Ravalomanana) kanefa noho ny fahitan’izy ireo ny loza mianjady amin’ny firenena dia nitambatra izy ireo kanefa dia any am-ponja no niafarany, hoy ihany ity mpitari-tolona avy amin’ny “Mafana” ity. Iray tsy mivaky tokoa ny foloalindahy, hoy izy fa Rajoelina no nampizarazara azy. Ankoatra izay dia nohitsiany ihany koa i Norbert Lala Ratsirahonana raha toa ka efa mihevitra ny hiditra ao anatin’ny tetezamita tena izy indray. 

Tia Tanindrazana

Samia mijoro ho an'i Gasikara.