Politique

Raveloson Constant Mafy ny te hahazo fankatoavana iraisam-pirenena

Politique
Alarobia 19 Janoary 2011

Nahitsy sy feno teny fampieritreretana ho an�ny FAT toy ny mahazatra ny tenin�ny mpitari-tolona Raveloson Constant tao amin�ny kianjan�ny Finoana Magro Behoririka omaly talata 19 janoary.

“Mafy ny mila fankatoavana iraisam-pirenena”, hoy izy, “ka niarahaba ny Tonizianina dia nampitovy ny zava-misy tany sy teto Madagasikara. Tany Tonizia, i Ben Ali mihitsy no nanajanona ny famoretana nataon’ny tafika tamin’ny vahoaka. Tsy nisy 26 janoary tany, tsy nisy 7 febroary ary koa 17 martsa... Tsy nisy HCC hafahafa ary tsy nisy Ratsirahonana mamorona fehezan-dalàna. Iarahana ny tetezamita mandra-pisian’ny fifidianana. Izany ve no misy eto amintsika ?”. Rehefa izay moa dia fanontaniana no nasesiny, ary lasa aiza ilay Saodianina ? Rehefa tsy famatsiam-bola ara-dalàna tokoa dia inona ? Hivarotra an’i Madagasikara ho an’iza ? Izy ihany moa no namaly fa havana tokoa Rajoelina satria Malagasy, kanefa tsy ananan-kavana ny tanindrazana. Na dia havanay aza i Andry, asehonay amin’Atoa Simao fa tsy mampihavana ny 26 Janoary, ny 7 febroary ary ny 17 Martsa nataon’ny mpanongam-panjakana. Teneno amin’i Simao, hoy i Constant, fa tadiavin’ny olona hamidy isika. Vohay ny fonja sy ny sisintany dia miresaka fa raha tsy izay dia mbola fihatsarambelatsihy, hoy izy namarana ny teniny.

Nangonin’i Manohy

sary : Raveloson Constant tao amin’ny Magro Behoririka omaly