Politique

Rasoamalala Odette Brenda Mbola miombona tanteraka amin-dRavalomanana i Alaotra Mangoro

Politique
Alakamisy 18 Oktobra 2012

Nahomby ny fitetezam-paritra nataonay tany amin�ny Distrikan�Amparafaravola sy Ambatondrazaka ary Andilamena tany Alaotra Mangoro, hoy ny CT Rasoamalala Odette Brenda.

Izao vao mazava amin-dry zareo ny fipetraky ny toe-draharaham-pirenena iainana ankehitriny. Hatreto dia mbola miombona tanteraka amin’ny filoha Marc Ravalomanana ny vahoakan’Alaotra Mangoro. Mampanantena izahay fa mbola hotazoninay ny laharana voalohany rehefa ho tonga ny fifidianana ho filoham-pirenena. Tsy hianona amin’ny fahavononana fotsiny anefa izahay fa hijoro avy hatrany tsy ho goragora amin’ny fanaraha-maso ny firosoana amin’ny fanomanana ny fifidiana. Efa mandehandeha any ho any sahady mantsy ny teti-dratsy hangalaram-bato amin’ny fifidianana ho avy. Ambarako farany, hoy izy, fa velona ny antoko Tiako i Madagasikara any Alaotra Mangoro ary efa tafatsangana ny fiaraha-mitantana mitondra azy any an-toerana avy amin’io fitetezam-paritra natao io. Mankahery manokana ny mponin’Anororo noho ny hain-trano nianjady tamin’izy ireo tamin’ny alahady alina ny CT Brenda ary mampanantena ny hitondra ny raharaha eo anivon’ny namana rehetra ahazoana manao izay fanampiana azo hatao rehetra.

Manohy