Politique

Rakotomalala Henry na Riribe “Mahavariana ilay hoe tsy misy krizy”

Politique
Alakamisy 11 Aogositra 2022

Tsy misy krizy hono eto hoy ry zareo mpitondra antsika, hoy ny mpanao politika, Henry Rakotomalala na Riribe. Samy manana ny fomba hamakiany ny zava-misy eto amin’ny fireneny ny olona tsirairay fa somary mahavariana ihany ny

tenin'ny filoham-pirenena hoe "tsy misy krizy eto", hoy izy. Raha tsy misy krizy politika, sosialy, toekarena eto, maninona no tsy marisika hampiasa ny volany eto hanangana ozinina ireo mpanam-bola vahiny sy teratany? Maninona no lasa farany eran-tany ny firenena malagasy ankehitriny amin’ny lafiny rehetra? Maninona no mitaraina avokoa ny malagasy na an-tanan-dehibe na ambanivohitra? Maninona no mitombo andro aman’alina ny tsy fandriam-pahalemana manerana ny nosy? Maninona no misy vondron'olona sy antoko maro tsy tambo isaina mitaky fikaonan-doham-pirenena? Sa ve krizy ara-toetsaina no misy eto, hoy hatrany ny tenany?
J. Mirija