Politique

Radavidson Andriamparany "Mila fanarenana ny fiainam-bahoaka"

Politique
Zoma 08 Mey 2020

Naneho hevitra manoloana ny krizy ara-pahasalamana ny mpanao politika, Radavidson Andriamparany. Zavatra roa no andrasany amin` ny fitondram-panjakana amin` izao fiatrehana ny aretina COVID-19.

Voalohany, ny fanarenana ny fiainam-bahoaka. Mitombo hatrany mantsy ny hantsana eo amin`ny mahantra sy ny mpanakarena. Faharoa, tsy tokony hiankin-doha amin` ireo firenena vahiny isika. Iaraha-mahita ny zava-misy amin` izao amin` ny fanafarana sy fanondrana entana avy any ivelany. Midika izany fa tokony omena sehatra misimisy kokoa ny tsena anatiny. Notsipihan` ity minisitry ny vola teo aloha ity manokana fa ny fialana amin'ny fahantrana no mahamaika sy zava-dehibe ho an` ny olona amin` izao.

Marigny A.