Politique

Praiminisitra Ntsay Christian Nakisaka an-tsisy tosy sa tsy te haloto ?

Politique
Alatsinainy 27 Aprily 2020

Zara raha hita ny Praiminisitra Lehiben’ny Governemanta Ntsay Christian tato anatin’ny raharaha Coronavirus. Takona tanteraka ary tsy dia misy fampitam-baovao firy momba azy sy izay ataony, raha toa ka saika isan’andro no

hahenoana ny Filoha sy ireo mpikambana sasany ao anatin’ny Governemanta. Ilay lalàna 91-011 tamin’ny 18 jolay 1991 momba ny hamehana anefa, dia manome vahana sy baiko ho an’ny Praiminisitra amin’ny fampiharana ny fepetra ao anatin’izay hamehana izay. Efa maro ny fanehoan-kevitra politika maneho fa tsy mirindra ny fomba fiasa ao anatin’ny governemanta, ary misy lonilony ao. Nakisaka haka sisin-tosy ve ny Praiminisitra mba hahafahan’ny Filoha tena manao serasera ho an’ny tenany? Misy ny zavatra tsy mazava sy tsy mangaraharaha, araka ny fanehoan-kevitra maro hatrany, toy ny fitantanana ara-bola amin’ity raharaha coronavirus ity. Petra-kevitra sy fanontaniana ihany koa noho izany ny hoe: tsy te haloto ao anatin’izay raharaha izay ve ny Praiminisitra izay olona hentitra amin’ny maha fonksionera iraisam-pirenena azy teo aloha ka aleony manaja tena ?

Toky R