Politique

Pr Raymond Ranjeva Mankeny Ankadilalana isan�andro ?

Politique
Alakamisy 25 Novambra 2010

Afaka nody ny profesora Raymond Ranjeva sy ny zanany taorian’ny famotorana azy ireo ny talata teo. Araka ny loharanom-baovao kosa anefa dia nahazo toromarika izy ireo ny amin’ny tsy maintsy handalovany eny amin’ny biraon’ny zandary raha misy ilana azy na ho isan’andro aza. Sao misy fiovan-javatra amin’ny famotorana no voalaza fa anton’izany. Ny loharanom-baovao anefa no milaza fa taorian’ny zava-nisy tamin’ny sabotsy 20 novambra dia nampahafantatra izany teo amin’ny sehatra iraisam-pirenena ity mpitsara iraisam-pirenena teo aloha ity. Nampahery azy ny sehatra iraisam-pirenena na ireo masoivoho vahiny eto Madagasikara ankoatra an’i Frantsa na ireo mpitsara iraisam-pirenena namany ary nampanantena izy ireo fa hanaraka akaiky ny fizotr’ity raharaha teny amin’ny BANI ity. Manoloana izany rehetra izany dia sahirana ihany ny zandary manao ny famotorana. Sahirana satria manindry mafy ny FAT nefa ny asa tokony hatao araka ny tokony ho izy.

Rakoto Maxime