Politique

Orinasan-dRavalo ao Toamasina Arodana tsy misy hantra izay sisa nijoro

Politique
Alakamisy 01 Oktobra 2020

Misy antsojay maromaro, ka sanatria miverina indray ny 2009? Hoy i Hanitra Razafimanantsoa omaly. Tato ho ato misy ny fitakiana vola amin’ny endrint samihafa, misy ny fanidiana orinasa,…

kanefa ny AAA tsy misy hidiran’ny tamin’ny 2009, ary ny Tiko efa tamin’izany no nikatona, fa mpandraharaha hafa ny AAA. Mbola mety hihoatra lavitra noho ilay 1461 miliara ariary mahery ny tombana, raha tohizana hatramin’ny 2020 ny kaonty noho ny famotehana mbola mandeha, mitentina amina miliaro maro be. Amin’izao fotoana izao dia haongana sy potehina tanteraka ny fananan’ny Tiko ao amin’ny seranantsambo, toy ny margarinerie, ny fanamboarana menaka,… ka ny fitaovan’ny orinasa Colas no ampiasaina amin’ny fandrodanana. Toy ireny nodarohana baomba ireny ny toerana, hoy ny Mpisolovava Hanitra Razafimanantsoa. Ny mahavariana dia ny Tale Jeneralin’ny seranantsambo tamin’izany no mbola mitana io andraikitra io, izay mahalala tsara ny tantara. Tsy vitan’ny nangalarina ny vary, lafarinina,… fa potehina izay tavela ao. Lavitra dia lavitra ny fampihavanana. Tompon’andraikitra ny ao amin’ny seranantsambo satria tsy maintsy hisy ny tombana, hoy ny avy amin’ny orinasa. Izay tsy potika tamin’ny fandrobana sy fandorana tamin’ny 2009 izany dia tohizana amin’izao 2020 izao?

Toky R