Politique

OFPACPA sy Toliara Mijoro Mitaky ny hamoahana ny gadra politika rehetra

Politique
Talata 18 Janoary 2011

Mitombo isa hatrany ireo fikambanana mitaky ny famoahana tsy misy hatak�andro ireo gadra politika. Nanatevin-daharana ny Komitin�ny firaisankina sy ireo fikambanana miaro ny zon�olombelona ny OFPACPA sy ny Toliara Mijoro.

Nambaran’i Victor Wong fa ny zava-nisy teo aloha izay efa nijoroan’ny fikambanana tarihiny hatramin’ny taona 2002 ihany no miverina amin’izao fotoana. «Raha mitohy izao fanagadrana ireo tsy mitovy hevitra amin’ny mpitondra izao dia hiafara amin’ny sesitany koa i Andry Rajoelina» hoy izy. Marihina fa tsy eto an-drenivohitra ihany no misy olona nogadraina noho ny heviny ara-politika fa saika manerana ny nosy ka anisan’izany ny ao Toliara. Raha nambaran’i Tsimilamaro Valisoa, zanak’i Toliara dia mbola voatazona any am-ponja hatramin’izao ireo olona voapanga tamin’ny fanapotehana ny radio Soatalily.

Fanontaniana no apetrany raha efa hifamono toy ny zava-nitranga tany Rwanda ny vahoaka izay vao hiroso amin’ny fampihavanana ny Malagasy. Miantso ny fifamelan’ny samy Malagasy, araka izany, ireto fikambanana ireto ary manohana ny fanatontosana ny fampihavanam-pirenena izay tarihin’ny Profesora Zafy.

Raharaha 07 febroary

Nasian’i Victor Wong resaka koa ny “raharaha 07 febroary» izay namoizana ain’olona maro. Nangatahany moa ny hihaonan’ny iraky ny Sadc eto amintsika, ny Dr Léonardo Simao amin’ny lietnà-kolonely Charles Andrianasoavina mba hamantarana ny tena zava-nisy marina. «Mila anontaniana ny kolonely Charles hoe iza marina no namono olona tamin’io andro io satria mety ho mandeha ila ihany ny zavatra fantatry ny vahoaka». Tsy vonona hiakatra ny sambon-dRajoelina koa anefa ny OFPACPA sy ny Toliara Mijoro satria tsy manana ny taridalana akory ny kaomanda mpanamory no sady tsy mazava ny lalan-kaleha. Nambaran’ny Dr Rakoto Julien fa tsy ny fitadiavan-tseza no mahamaika fa ny fanarenana ny firenena. “Matoa nisy ny raharaha FIGN sy ny BANI ary ny hetsika isan’andro eny amin’ny Magro dia tsy milamina ny firenena”, hoy izy. Nampiany koa fa kobaka am-bava fotsiny no ataon’izao FAT izao kanefa ny vahoaka mosary any Atsimo tsy misy mpijery.