Politique

Nosy-Be Ifandroritana ny tanin�ny Sirama

Politique
Alakamisy 20 Martsa 2014

Tonga eto Antananarivo mba hitaraina mivantana amin’ny tompon’andraiki-panjakana mahefa amin’ny zava-manjo azy ireo mponina niorim-ponenana eo amin’ny tanin’ny Sirama Nosy-Be hatramin’ny taona 2005. Araka ny nambaran’izy ireo dia nomen’ny Kaominin’i Nosy-Be Hell-Ville alalana ny vahoaka hanorim-ponenana amin’ny tany fambolen’ny Sirama fary tao Andranomangotroka, tafiditra amin’ny drafi-panitarana ny tanàna, noho ny fikatonan’ity orinasa Malagasy mpamokatra siramamy ity, hoy ireto mponina ireto ary misy vahiny nanao izany koa dia nahazo. Ny taona 2012 anefa dia notorian’ny Sirama ho mangala-tany ireo nanorim-ponenana teo. Tonga teny amin’ny fitsarana ny raharaha, ary nitarika fandravana fefy sy fandrahonana handravana ny tanàna manontolo, hoy ny mpitondra tenin’ny fikambanana. Nanangana fikambanana antsoina hoe “Association Vato Es Salam” ireto farany hanoherana izany ary miandrandra vahaolana amin’ny mpitondra.

Manohy