Politique

Naina Andriantsitohaina Vonona hizara traikefa amin’ireo kaominina hafa

Politique
Alatsinainy 21 Desambra 2020

Tamim-pifaliana no nandraisako ny fivorian'ny AMGVM sy ny hetsika City's Up Madagascar,

niaraka tamin'ireo Ben'ny Tanàna namana avy amin'ny Kaominina Ambonivohitra manerana ny Madagasikara, hoy ny ben’ny tanànan’Antananarivo Naina Andriantsitohaina. Fifanakalozana traikefa, fifankahafantarana ary fihaonana tamin'ireo mpiara-miombona antoka. Nitsangana ny birao vaovaon'ny AMGVM mandritry ny 2 taona, izay tarihin'ny Ben'ny Tanànan'ny Diego, Antsirabe (Filoha Lefitra), Fianarantsoa (Sekretera Jeneraly), Ambilobe (Mpitam-bola) ary Fort-dauphin (Mpitam-bola Lefitra). Antananarivo kosa no Filoham-boninahitra. Isaorana lehibe ireo Ben'ny Tanàna namana nametraka ny CUA sy ny tenako ho Filoham-boninahitry ny fikambanana, hoy . Nambaran’i Naina Andriantsitohaina, fa vonona ny CUA hizara ny traikefa sy hifanampy amin'ireo Kaominina manodidina sy ireo Tanan-dehibe rahavavy. Ny fiaraha-mientan'ireo Kaominina no hanampy betsaka amin'ny fampandrosoana ny Tananantsika, hoy izy.

Toky R