Politique

Naina Andriantsitohaina Nosalorany tamin’izay mampety azy ny samboady

Politique
Alarobia 01 Jolay 2020

Tranga telo no voamariky ny maro tamin’ny fiseho sy fihetsik’i Naina Andriantsitohaina, Ben’ny tanànan’Antananarivo renivohitra nanodidina ny fankalazana ny tsingerintaona faha-60 niverenan’ny fahaleovantenan’i Madagasikara.

Teo ny nofonkena mitam-pihavanana nanomezany omby ireo mpitandro ny filaminana nandray anjara tamin’ny Matso. Teo ny loza voasoroka nanoloana ny omby nifatotra ho fanomezana ho an’ny Tafika. Fa teo amin’ny fiseho dia niavaka i Naina Andriantsitohaina tamin’ny nisalorany ny samboady maha Ben’ny tanàna. Tany amin’ny andilany havana no nisy ny vona mivolom-bolamena tamin’ilay samboady nentiny. Kisendrasendra sa tsy fahalalana sa sanatriavina niniana natao mba hiavaka ? Nitaza-maso fotsiny ireo mpiara-miasa akaiky aminy, nefa andro sy lanonan-dehibe no hisehoana ? Ho an’ny Ben’ny tanàna mantsy dia eo ambalahana ary mivona ao ankavia ny samboady, amin’ny loko telon’ny sainam-pirenena. Ny andininy faha- 49 amin’ny lalàna 2014-020 no mamariparitra io samboadin’ny Ben’ny tanàna io.

Jean D.