Politique

Partagé sur :
• facebook

Tratry ny fitsaram-bahoaka amin` ny tambajotra sosialy “facebook” ny ben` ny tanànan’Antananarivo Renivohitra Naina Andriantsitohaina.

 Tsy ireo paikady apetrany akory no tena olana fa ireo fanapahan-kevitra mandroso mihemotra raisiny. Ohatra, nivoaka ny fiantsoana fivoriana monisipaly ka hita tao anatin` ny taratasy fampiantsoana ny lahadinika ary isan` izany ny fifanarahana amin` ny orinasa TOM izay voalaza fa hoe hanofa ny tany misy ny MBS eny Anosipatrana. Ny harivan` io anefa dia nanambara Andriamatoa Ben` ny tanàna fa tsy misy an`izany lahadinika izany. Nandray fanapahn-kevitra indray ny teo anivon` ny Kaominina Antananarivo Renivohitra fa ho tataovan-ketra ny fandokona trano. Tsy olana mihitsy ny fandoavan-ketra ary tena ilaina amin` ny fampandrosoana mihitsy izany saingy mihemotra indray ny fanapahan-keviny satria tsy mifanaraka amin` ny zava-misy iainan’ny mponina amin’izao fotoana; mbola anaty krizy ve no hampitombo ny sehatra handoavan-ketra ? Mametram-panontaniana ihany ny hoe: tena hain` ny ben` ny tanàna ve no mitantana asam-panjakana? Miasa tokoa ve ireo ekipany, ny mpanolotsaina azy, ny kabinetrany ? Ankoatr’izay tsy tokony adino fa mpandraharaha i Naina Andriantsitohaina mialohan’ny nidirany teo amin’ny politika; mazava ho azy fa tsy maintsy misy ampahana foto-pisainana mpandraharaha tafiditra amin’ny fomba fiasany ka mety ho noho izay no mahatonga ny savorovoro ara-panahapan-kevitra io.Tsy teknika fotsiny ny fitantanana tanàna fa politika ihany koa, asa na fantatr’ingahy ben’ny tanàna sy ny ekipany izany.

Marigny A.

Tia Tanindrazana

Samia mijoro ho an'i Gasikara.