Politique

Mpanao gazety Arphine Helisoa Naverin’ny fitsarana any am-ponja

Politique
Alakamisy 09 Aprily 2020

Taorian’ny fampakarana ny raharaha sy ny fangatahana famotsorana vonjimaika ny mpanao gazety,

Arphine Helisoa, izay notanana am-ponja vonjimaika nanomboka ny 4 aprily lasa teo dia fantatra omaly fa nolavina ihany koa ny famotsorana vonjimaika ity talen’ny famoahana ao amin’ny gazety Valosoa ity. Raha tsiahivina dia antony nitazomana ity namana ity ny resaka fanelezana vaovao tsy marina sy fandrisihana fankahalana ny filohan’ny repoblika. Tsy fantatra mazava, raha ny fanazavan’ny mpisolovava, Willy Razafinjatovo na Maitre Olala, moa ny anton’ity fandavana fangatahana famotsorana vonjimaika ity. Manahy ny tenany fa antony politika izany. Hisy ny fanazavana misimisy ho ataony mikasika ny toe-draharaha ho amin’ity anio ity, raha tsy misy ny fiovana, fa etsy an-kilany dia andrasana ihany koa ny hetsika mety ho tarihin’ny avy eo anivon’ny olafitry ny mpanao gazety ho firaisankina ao anatin’izao raharaha izao.

J. Mirija