Politique

Minisitra voatendry tamin’ny 2019 Ny Jeneraly Ravalomanana no nanambara fananana

Politique
Alatsinainy 12 Oktobra 2020

Hatramin’ny sabotsy teo dia ny sekreteram-panjakana misahana ny zandarimaria, ny jeneraly Richard Ravalomanana, ihany no fantatra fa nanao fanambaram-pananana tamin’ireo minisitra voatendry ny taona 2019.

Ireo minisitra voatendry tamin’ity taona ity kosa dia efa nanatontosa izany avokoa, raha ny fampahafantarana voaray avy eo anivon’ny rafitra misahana azy. Andrasana araka izany ny fanatontosan’ireo minisitra ambiny izay fanambaram-pananana izay. Isan’ny mampametra-panontaniana hatrany moa ny hoe inona no tena antony mampalaina ireo manam-pahefana tsy hanatontosa izay fanambaram-pananana izay? Tsy misy famaizana tokony hampiharina amin’ireo izay taraiky manao azy io ihany koa ve? Sa isan’ny mariky ny tsy fifampatokisan’ny samy mpitondra na ny mpitondra sy vahoaka ihany koa ilay izy?

J. Mirija