Politique

Minisitra Ruffine Tsiranana Mbola nanendry mpiara-miasa vaovao

Politique
Alakamisy 04 Oktobra 2012

Tsy mbola ato ho ato ny fialan�ny minisitra Ruffine Tsiranana ao amin�ny ministeran�ny fanapariaham-pahefana na teo aza ny taratasy nalefan�ny ankolafy Ravalomanana any amin�ny filohan�ny tetezamita sy ny praiminisitra ary ny birao fifandraisan�ny SADC ny hanoloana azy, �noho ny tsy fahaiza-mitantana�.

Andaniny, milaza ho tsy mahalala izany ny Praiminisitra Beriziky Jean Omer raha nanontanian’ny mpanao gazety. Loharanom-baovao hafa moa no manamarika fa tsy mazoto ny hanolo minisitra intsony i Beriziky. Ankilany indray dia nanendry mpiara-miasa vaovao ny minisitra Ruffine Tsiranana. Noraisina nandritra ny filankevitry ny minisitra omaly ny didim-panjakana fanendrena azy ireo, dia Atoa isany

Volazara Mamy, Tale jeneralin’ny fiadidiana ny lafintany, Randrianirina Ulrich Haja, Tale misahana ny fanohanana ara-bolan’ny fanjakana ary Raveloarimanana Paul André, Talen’ny serasera sy ny fifandraisana eo anivon’ny ministeran’ny fanapariaham-pahefana.

Jean D.