Politique

Partagé sur :
• facebook

Nanamarika ny herinandro lasa teo ny nanaovana fety nakotroka hoe hidiran’i Madagasikara amin’ny Repoblika faha-4. Ny fahalanian’ilay lalàmpanorenana no nitondra antsika ho amin’izany ‘fiovana’ izany. Fihetsiketsehana goavana sy maro no nataon’ny FAT nanerana ny nosy nanamarihana izany. “Anisan’ny mahamaika ny FAT amin’ny fidirana amin’ny Repoblika fahefatra ny famafana mba hanadinoan’ny rehetra ny fanonganam-panjakana nataony”, hoy i William Randriamahaleo, mpitarika ny MFM Analamanga. Tsy lanim-bahoaka, hoy izy fa natao letrezana fotsiny ny lalàmpanorenana anorenana izany Repoblika vaovao izany.

Vokany dia tsy misy hasiny ny Repoblika fahefatra. Momba ny fiarahan’ny Ankolafy Telo indray dia nambaran’ity mpanao politika ity fa hatrizay dia efa vonona handray anjara amin’izay fifanarahana izy ireo. Ifanarahana vokatry ny tenierana, hoy ihany Randriamahaleo. Tsy azo ekena kosa anefa ny “tsy misy fepetra na ny sans condition”, hoy ihany izy. Nantitranteriny fa fepetra takian’ny ankolafy hisian’ny dinika ny fandraisan’ny rehetra anjara, ny tenierana ary ny famoahana ireo gadra politika rehetra tsy ankanavaka sy ny fiverenan’ireo filoham-pirenena roalahy an-tanindrazana. Fa ankoatra izay dia takian’izy ireo koa ny hisiana fifanarahana mazava ny amin’izay fe-potoan’ny tetezamita sy ireo tetiandrom-pifidianana. Raha ny zava-misy ankehitriny anefa dia manao taritokana hatrany ny FAT na dia teo aza ny sazy, ny fampitandremana nataon’ireo firehana isan-tsokajiny na ny eto an-tanindrazana na ireo avy any ivelany. Ny ampitso no hamaritra ny hoavy. 

Tia Tanindrazana

Samia mijoro ho an'i Gasikara.