Politique

Maurice Beranto Hiala tsy ho mpanolotsain�ny PM ?

Politique
Zoma 21 Septambra 2012

Nanambara ny ho filatsahan-kofidiany amin�ny fifidianana filoham-pirenena ho avy eo i Maurice Beranto, filoha nasionalin�ny antoko FIDEM (Fiombonan'ny Demokraty Malagasy). Nandritra ny famelabelaran-kevitra nataony tao amin�ny Carlton omaly no nampahafantarany ofisialy izany.

Anisan’ireo mpanao politika teo ambany elatry ny Profesora Zafy Albert i Maurice Beranto. Mpanolotsaina manokan’ny praiminisitra Beriziky Jean Omer izy. Mipetraka eto ny fanontaniana amin’izy ho kandida amin’ny fifidianana filoham-pirenena izao hoe, hiala eo amin’izany toeran’ny mpanolotsaina izany sa hamikitra amin’ny seza toa an-dry Pierrot Rajaonarivelo, ity farany izay efa manoman-tena fatratra koa hiatrika ny fifidianana, nefa tsy miala ao anaty governemanta, fa miantehitra amin’ilay andininy faha-14 ao amin’ny tondrozotra hoe mametra-pialana 60 andro mialoha ny datin’ny latsabato. Ao anaty fitondrana ve izany no heverin’ireny kandida ireny hanomanana ny propagandiny ?

Nangonin’i Jean D.