Politique

Marc Ravalomanana Manohana ny fanambaran�ny Amnesty International

Politique
Alakamisy 22 Novambra 2012

Niditra nivantana tamin�ny antso an-tariby avy any Afrika Atsimo nandritra ny fihaonana isan-kerinandro fanaon�ny VOT na Vondron�olon-tsotra manohana ny filoha Marc Ravalomanana sy mitaky ny ara-dal�na Ambatondrazaka ny filoha teo aloha Marc Ravalomanana omaly alarobia 21 novambra.

Tamin’izany no nilazany fa zava-dehibe ny fanambarana nataon’ny Amnesty International mikasika ny zava-misy any atsimon’ny Nosy, indrindra ny vokatry ny asan’ireo andian-tafika manokana nalefa nampandry tany tany an-toerana. Tsy nanafina ny alahelony mikasika ny zava-misy any atsimo ny filoha Ravalomanana, ary nilaza fa “tsy misy mahavidy ny aina”. Nankahery ny olona amin’ny tolona ho famerenana ny ara-dalàna ny tenany, ary nampanantena fa tsy maintsy ho “vitantsika io tolona io”.
Fanomezana toromarika ireo mpitarika ny VOT isaky ny Kaominina sy fifampitam-baovao no votoatin’ny fihaonana isan-kerinandro ataon’ity fikambanana ity, izay vao avy nankalaza ny faha-3 taona niorenany.

Nangonin’i Jean D.