Politique

Marc Ravalomanana Hanao fanambarana anio

Politique
Alakamisy 28 Mey 2020

“Hitafa aminareo mpiray tanindrazana aho. Ny alakamisy 28 mey 2020 no fotoanantsika”, hoy ny hafatra nataon’i Marc Ravalomanana tao amin’ny pejiny manokana ao amin’ny tambajotran-tserasera.

Heverina fa hifantoka bebe kokoa amin’ny raharaham-pirenena misy ankehitriny, indrindra fa ny valanaretina coronavirus, ny raharaha mahakasika ny Rovan’Antananarivo, ny olana ara-tsosialy sy toekarena,… Ny 7 aprily moa I Marc Ravalomanana no hita faramparany tamin’ny fandaharana manokana tamina fahitalavitra, ka nilazany tamin’izay fotoana izay fa tsy tokony hitamatama satria ahiana hidangana be ny isan’ny voa raha tsy milamina sy mirindra ny paikady. Na nisy aza ny seraseran’ny fanjakana naneho fa voafehy ny valanaretina dia nahitsy izy niteny, fa mbola tsy azo ambara ho voafehy ary nampiseho kisarisary nentina nanazavana izany mihitsy. Tamin’izay fotoana izay no nilazany fa mila fangaraharana sy fahintsiana ny fitantanana sy ny fandrindrana. Isan’ny nisantatra ny fanarenana ny Rova ny tenany tamin’ny fitondrany, ka andrasana ihany koa izay hambarany mahakasika ny zava-misy, izay miteraka resabe ankehitriny. Andrasana izay hambaran’i Marc Ravalomanana.

Toky R