Politique

Maitre Avoko Hilaza ny heviny momba ny raharaham-pirenena

Politique
Talata 14 Desambra 2010

Araka ny fantatra dia nisafidy ny hangina mihitsy taorian�ny fitsapan-kevi-bahoaka ny Ma�tre Avoko Rakotoarijaona, izay anisan�ny tao anatin�ny Komity manohana ny Tsia.

Nisy fotoana mihitsy aza tsy naha teto an-toerana azy. Hisy kosa anefa atsy ho atsy ny hetsika vaovao indray hotanterahana araka ny nambarany. Izy moa dia anisan’ireo tsy mankasitraka ny fomba fitantanana ny firenena amin’izao fotoana, ary mieritreritra ihany koa fa misy fomba fanao mila ovaina amin’ny fanaovana politika eto Madagasikara. Nanitrikitrika hatrany anefa ity zanaky ny Grand Maître Pierre be ity fa tsy ho tafavoaka mihitsy ny Malagasy raha tsy mitodika amin’Andriamanitra, ary tsy maintsy mihavana.

Mikasika ny lalàmpanorenana indray, dia efa hatrany amin’ny fiandohan’ireo dinika isan-karazany tahaka ny fihaonambem-pirenena no nilaza i Maître Avoko fa mila miainga avy amin’ny tenin’Andriamanitra ny lalàna fototra hitantanana sy handaminana ny firenena, rehefa tsy izay no atao dia hisavorovoro lava sy tsy hanana fitoniana ny Malagasy, araka ny filazany ihany. Azo atao hoe sady mpandinika ny raharaham-pirenena no mpandray anjara ao amin’ny sehatra politika, na dia tsy mbola tena niditra lalina loatra aza ny maitre Avoko, koa dia miandry izay ho ambarany indray ny rehetra, indrindra fa taorian’ny nametrahan’ny FAT ny Repoblika faha-4 ny sabotsy 11 desambra teo.

Nangonin’i RTT

Sary : Maître Avoko Rakotoarijaona, anisan’ireo nampanao Tsia tamin’ny referandaoma ny 17 novambra 2010