Politique

Magro Behoririka Ny sambo ara-dal�na ihany no izy

Politique
Alarobia 19 Janoary 2011

“Sambo ara-dalàna ihany, mahazo ny alalana avy amin’ny Filoha Ravalomanana Marc, no hidirantsika fa tsy ny sambo piraty rehetra izao”, hoy ny Depiote Leriva Manahirana avy any Brickaville tetsy amin’ny Magro Behoririka omaly talata. Mbola nampian’Atoa Dauphin ihany koa izany amin’ny hoe : “Very lalana isika raha TGV no lasa sambo”. “Tsy hiditra ao anatin’io sambo io izahay satria ny Amiraly izay efa “capitaine de frégate” aty ivelany, tahaka izany koa ny mpandraharaha mahay sy ny profesora kalaza”, hoy i Manoela. Nofaranan-dRaveloson Constant tamin’ny hoe : “any anaty hira dia olona malahelo sy handao ny tanindrazana no mampiasa ny kisary sambo fa handao ‘ty tanà-mahazatra”. Rehefa sempotra Rajoelina dia miantso namana toy ny niseho talohan’ny Maputo sy Le Hintsy… Fa rehefa mahazo aina kely dia midongy familiana, hoy i Rakotondramanana Désiré (Hidio). «Tsy mila sori-dalana frantsay izahay malagasy”, hoy ny Dokotera Julien namarana azy, “satria io no hahasahian-dRajoelina milaza fa izay tara sambo dia any”.

Manohy