Politique

Magro Behoririka Manohitra ny demokrasia antendro-molotra

Politique
Zoma 17 Desambra 2010

Nitohy tao amin�ny kianjan�ny Finoana Behoririka ny hetsiky ny ankolafy telo omaly. Fotoana io nanaovan�ireo mpandaha-teny fanazavan-kevitra mikasika ireo vaovao sy zavatra nanamarika ny herinandro lasa iny sy ity herinandro ity.

Tamin’izany no nanaovan’i Julien tsindrim-peo fa hery ho an’ny Ankolafy Telo no sady tsy aneken’ny fianakaviambe iraisam-pirenena no tsy ankatoavany ny referandaoma ny 17 novambra 2010 sy ity hoe fidirana amin’ny Repoblika faha-4. Filazana izay nitaoman’i Eric, mpanentana ao amin’ny Magro, ireo mpiara-mitolona aminy hiray hina satria manomboka hafahafa ny toe-draharaha eto Madagasikara, hoy izy taorian’ny zava-nitranga ny 11 desambra 2010, ka nandehanan’i Andry Rajoelina mivady tampotampoka teny Anatirova, nanao fanamiana mpanjaka. Ny an’i Manoela moa dia ny fitakiana ny hametrahana ny demokrasia marina dia ny fahafahan’ny olona rehetra maneho hevitra ankalalahana, ary koa milatsaka hofidiana tsy misy ailikilika, no novantambataniny fa tsy ho demokrasia antendro-molotra fotsiny ihany. Toa fanamafisana izay nambarany rahateo no nataon’i Rodin Rakotomanjato, depiote Tiako I Madagasikara voafidy tao Arivonimamo, ka nilazany fa «izay kanosa ihany no mijanona any an-trano, hoy i Dada ka tongava miasa, miasa mafy, miasa tsara». Midika io fa dia hitohy ao amin’ny Magro ny hetsiky ny Ankolafy Telo.

Nangonin’i Jean D.