Politique

Partagé sur :
• facebook

Tsy mbola nisy teo amin’ny tantara ny hoe filoham-pirenena naongana ka nanomboka tamin’ny andro nanonganana azy iny dia nitaky ny hamerenana azy ny vahoaka ary dia nitolona ho amin’izany efa ho efa-taona izao.

 “Inona no nataon-dRavalomanana ka mahatonga antsika hifikitra aminy”, hoy i Leriva Manahira nametra-panontaniana. Ity depioten’i Brickaville teo aloha ity ihany no namaly fa Ravalomanana no nitondra fampandrosoana ho an’ny sokajin’olona rehetra teto amin’ny firenena. Ny 90%-n’ny zaza madinika, ohatra, dia niditra an-tsekoly avokoa. Tsy vitsy koa ireo tanora afaka nanohy ny fianarany any ivelany, nalefan’ny fanjakana tamin’ny andron-dRavalomanana. Ankoatra izay dia tamin’ny androny ihany koa no nisiana fifaninanana ho an’ireo tantsaha, toy ny voly vary maroanaka, ka nahatonga ny Malagasy lasa namboly vary hahavitana tena ara-tsakafo. Anisan’ny nahazo loka tamin’izany i Brickaville, hoy i Leriva. Fampirisihina ny olona izany.

Maro koa ny Malagasy no nahazo tombony tamin’ny fijoroan’ny orinasa Tiko, na mivantana io na ankolaka. Tamin’ny taona 2008 dia efa tafakatra 7,1% ny taham-pampandrosoana saingy tratry ny sakana sy fanonganam-panjakana tamin’ny 2009 dia tsy nitsahatra nitotongana hatrany ambanin’ny aotra. “Tsy nisy Malagasy mpanao politika azo ampitahaina amin-dRavalomanana, afaka hitondra fampandrosoana toa azy”, hoy ihany ity mpikambana eo anivon’ny Kongresy ity. Raha tiantsika ny hiala amin’izao krizy izao sy izao fahavoazana izao dia tsy misy vahaolana afa-tsy ny fanolorana, ny fodiana ary ny fandaniana an-dRavalomanana ho filoha. “Tsy azo asolo na iza na iza iny rangahy iny”, hoy ihany i Leriva Manahira nanamafy. Izy ihany no lakile.

Soa 

Tia Tanindrazana

Samia mijoro ho an'i Gasikara.