Politique

Partagé sur :
• facebook

Nanatsoaka ny filatsahan-kofidiany amin’ny toeran’ny filoha lefitry ny kongresin’ny tetezamita notanterahana omaly teny Tsimbazaza ny antoko AVI.

Araka ny nambaran’i Laurent Ramaroson dia fanavotana ny firenena no imasoan’ny antoko AVI fa tsy ady seza mihitsy. Hita mibaribary, hoy izy fa ady seza no mibahana ao an-tsain’ny sasany ao anatin’ity Kongresin’ny tetezamita ity. Tsy izany mihitsy anefa no vahaolana hahafahana mivoaka amin’ny krizy, fa fifanomezan-tanana sy fifanohanana. Araka ny nambarany ihany, raha izao no mitohy dia tsy hisy hifidy any amin’izay faritra niaviany avy ireto olon’ny Kongresy tia ady seza ireto, satria efa leon’ity fitiavan-tseza ity ny vahoaka. Nanamarika ihany koa izy fa olom-boatendry fa sy mbola olom-boafidy na ny mpikambana amin’ny CST ao Anosikely na ny mpikambana ao amin’ny CT eny Tsimbazaza.

Noho izany  dia ny fanatanterahana ny asa haingana mba hampandroso ny tetezamita no atao fa tsy ady varotra amina toerana. Ny mpanara-baovao politika dia efa mahatakatra tsara amin’izao fihetsiky ny AVI izao fa misintaka tsimoramora amin’ny tetezamita sy ny mpanao politika manodidina an’i Andry Rajoelina izay mbola tena mirangorango amin’ny seza ity antokon’i Norbert Lala Ratsirahonana ity, satria tsy te ho ratsy manoloana ny tantara, ka hosoketaina ho anisan’ireo nampitarazoka ny tetezamita sy nampitombo ny fahasahiranan’ny vahoaka noho ny ady seza.

Tia Tanindrazana

Samia mijoro ho an'i Gasikara.