Politique

Kolonely Charles sy Cemgam Tsy mety raikitra ny fampifanatrehana

Politique
Zoma 24 Desambra 2010

Omaly no voatondro fa hiakatra ao Anosy ny Kolonely Charles Andrianasoavina izay nangataka fifampifanatrehana mivantana amin’ny lehiben’ny Etamazaoro jeneralin’ny tafika Malagasy na Cemgam, ny jeneraly Ndriarijaona André. Raha ny fantatra dia nentina tao amin’ny sojaben’ny mpitsara mpanao famotorana io manamboninahitra kolonely io. Nohainoina tao izy. Tsy hita teny an-toerana kosa ny Cemgam izay anisan’ny andrandrain’ny maro ny fifampifanatrehan’izy mirahalahy. Raha ny zava-misy mantsy dia nanaiky ny fifampiraharahana ireo manamboninahitra izay voalaza fa nikomy. Inona ary ny ao ambadik’io fifampiraharahana io ? Ao anatiny ve ny famonjana ireo manamboninahitra ? Mampametra-panontaniana ny mpanara-baovao izany...

r.d